Published On: Sun, May 17th, 2015

Wasiirka Caafimaadka Drs Xaawo Xasan oo La Kulantay Dhigeeda Dalka Shiinaha

Share This
Tags

Wasiirka Wasaaradda Caafimaadka ee xukuumadda Soomaaliya Drs Xaawo Xasan Maxamed oo booqasho rasmi ah ku tagtey Dalka Shiinaha ayaa halkaasi kula kulantay dhigeeda Caafimaadka ee Dalka Shiinaha Li Bin, oo ay ka wada hadleen sidi dib loogu soo celin lahaa mashaariicdii caafimaadka ee ay ka fulin jireen gudaha dalka, gaar ahaan in dib u dhis lagu sameeyo Isbitaalka Benadir oo ka mid ah Isbitaalada ay horay dhiseen Shiinaha, Sidoo kale in dib loo soo celiyo Qubaradii caafimaad ee ay u soo diri jireen Soomaaliya.

Labada Wasiir aya waxay ku heshiyeen in sida ugu dhaqsiyaha badan wafdi ka socdo Wasaaradda Caafimaadka ee Dalka Shiinaha loo soo diro Soomaaliya, si ay uso qiimeeyaan baahida caafimaad ee dalka ka jirta, sidoo kale waxa la isku afgartay in heshis labada dal ah lagala saxiixdo dhawaan.

Wasiirka Wasaarada Caafimaadka ee Somaaliya iyo Wafdiga ay hogaamineyso waxay sidoo kale booqdeen saddex Gobal oo ka mid dalka Shiinaha, gar ahaan waxay si gooni ah u booqdeen Warshadaha soo saara daawooyinka, isbitaalada wadanka, Jaamacadaha Dalka iyo Xarumaha Cilmi Baarista ee Wadanka Shiinaha, ayadoo dhamaan balan qaadyo rasmi ah kasoo heshay dhamaan meelihi wafdika Soomaaliya uu booqday.

Drs Xaawo Xasan Maxamed waxay sidoo kale la kulantay madax kala duwan oo Dalka Shiinaha gaar ahaan Guddomiyayaasha saddexda Gobal ee ay booqatay, waxayna isku dhaafsadeen kulankaas arrimo la xariiro sidii kor loogu qaadi lahaa tacliinta iyo deeqda wax barasho ee la sinaayo ardayda Soomaaliyeed, sidoo kale Wasiirka Caafimaadka Soomaaliya waxay kala hadashay dhamaan madaxdii ay la kulantay in ardayda Soomaaliyeed laga caawiyo dalka ku galka Wadanka Shiinaha oo maalmahan aad ugu adkaa ardayda heshay wax barashada dalkaasi.

Wasiirka waxa ay madaxdii ay la kulantay ay ka codsaday in ardayda Soomaaliyeed oo aad uga cabanayey in caqabad dhinaca helida qabuuraha Muslimiinta marki uu qof ka geeriyodo ay kala kulmaan, ay si fican ugala hadashay in lagu ixtiraamo ardayda Soomaaliyeed dhaqankooda iyo diintoda taaso ay aqbaleen madaxdii ay la kulantay.

Wasirka Wasaaradda Caafimaadka ee Somaaliya iyo wafdiga la socday waxay la kulmeen ardayda Soomaliyeed ee wax ka barata Dalka Shiinaha, kulankaas oo runtii la isku dhaafsaday horumarka ay ku tilaabsadeen ardayada iyo dhibaatoyinka ay qaban, waxayna balan qaaday in dhamaan dhibaatooyinkaas la gaarsin doono madaxda Dalka waxna laga qaban doono.

w7w6w4w8w5w9w2

—–Dhammaad—-

About the Author

-

Leave a comment

XHTML: You can use these html tags: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>